لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي في قمرها قلبي بات
مش جاي ألومك عـ اللي فات
ولاجاي أصحي الذكريات
لكني بأحتجلك ساعات
لما الشتا يدق البيبان
***
كنا طفولة حب لسة فأوله
بنضم بإيدنا الحنين وبنوصله
خريف ندانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما التقينا الخطوة عرفت أرضها
أجمل معاني الحب غنتها النايات
مش جاي ألومك عـ اللي فات
ولا جاي أصحي الذكريات
لكني بأحتجلك ساعات
لما الشتا يدق البيبان
***
تتصوري.....
رغم اننا شايفين طريقنا بينتهي تتصوري
تتصوري.....
لا عمري هأقدر عالفراق
ولا أنتي عمرك تقدري
لسة حنيني بيندهك رغم البعاد
ولسة زهرة حبنا بتطرح ميعاد
لكن بيغرق حلمنا فـ بحر السكات
مش جاي ألومك عـ اللي فات
ولا جاي أصحي الذكريات
لكني بأحتجلك ساعات
لما الشتا يدق البيبان
علي الحجار
كلمات ابراهيم عبد الفتاح
الحان احمد الحجار
.
.jpg)
i love this song very much
ردحذف